Barakaldo

First Lego Leaguerako El Regato ikastetxeak bi proiektu aurkeztu dituzte, horietako bat Internet Eskolan dugu denontzako ikusgai. Abenduaren 11ean Zamudioren aurka jokatuko dute maila autonomikoan.  Eta pasatzen badute maila estatalean ibili beharko dira. Eta bertatik Europa!!!
Proiektua motoreak erabilita sortu behar da, softwarea (kasu honetan NXT Programming) eta Lego fitxak eta balorazioan robotak mugitzeko duen abilezia neurtuko da, begi bionikoak dituen tapeteaz. Era berean proiektu teknikoa burutzen dute, bertan proiektuaren zailtasuna aipatzen da: hau da, nola burutu den, aurkitutako zailtasunak, eta nola bideratu diren ere. Eta azkenik. proiektu zientifikoa aurkezten da, aurten Biomedikuntzari buruz dijoana.
Helburu finala urrunen bidaiatzea da, euren artean sormena eta bidaiatzeko gogo asko dituztelako. Eta horregatik bilatu dute babesle bat, Ediciones Deusto da kasu honetan. Leihaketa honek ez du sari materialik, ezta bidaiak ere ez ditu ordaintzen, baina ikasleen sormena jorratzen du, gogoak areagotuz eta ikasten lagunduz, egunez eguneko arazoetan konponbideak eskainiaz. Eta motibazioa oso altua da: Hiruilabete batean zehar 4 ordu sartu dituzte asteko, atsedenaldi pila eta denbora aske gutxi.
Hemendik zorte handi opa dizuegu Zamudion, dena den, ziur gaude hurrengo mailara bidaiatuko duzuela. Zorte on Josu, Tania, Izaskun, Nacho, Aitor, Iñigo, Andrea, Dani, Maider, Eneko, Sergio, Ainara, Alberto, David Franco eta David Reguilón.

Frontoiaren instalazioak 35 ordenagailu ditu, denok erabili dezakegu Internet, horretarako gaude hemen eta.
25 ordenagailu ditugu gaztetxoenentzat, bertan dinamizatzaile bat edukiko duzue zuen kezka edo arazoetaz hitz egiteko.
Baina ez ditzagun ahaztu helduenak, beraientzat aulkia duten 10 ordenagailu ditugu, dinamizatzeile batez lagunduta, berari esker interneten burutu daitekeen bidai dibertigarriagoa eta errazagoa eginez.

Elena Perez, Herri Administrazioko sailburuordea, Carlos Fernandez Barakaldoko Udaleko Kultura, Hezkuntza, Euskara eta Kirol Arloko zinegotzi ordezkaria, Joseba Etxebarria Internet&Euskadi elkarteko presidentea, Candido Hernandez Eusko Jaurlaritzako Hezkuntza Berrikuntzako zuzendaria eta Nerea Lupardo Euskalteleko Erakunde Harremanetarako zuzendaria Egon dira jarduera honen inaugurazioan. Goizeko hamaiketan izan da eta une horretan egiten ari ginean etenaldi bat burutu dugu Internet Eskolako kolaboratzaileei entzuteko. Honako honetan ere, Internet Eskolako trenera igotzera animatzen gaituzte, ezagutza handitzeko iturri moduan.

San Juan Bosco ikastetxeko eta Trueba ikastetxeko ikasleek goizeko 11.30etan bisitatu gaituzte. DBHko 1 eta 2 mailako gazteek  Biombo taldeko “Nork esan dizu?” antzerkiarekin jaso dute ongi teoría. Jarraian 3d gidaketara, nabigazio askera edo eskola 2.0ko arbela digitaletara joan dira. Azken honek ez du berrikuntza handirik gure talde hauetako gazteentzat, azken finean ohituta daude arbela mota honetara.

9:30etan, Alazne ikastetxeko ikasleek bisitatu gaituzte, DBHko 1. eta 2. ikastarokoak. Gehiengoei  ikaragarri gustatu zaie 3d gidaketa stand aeta Mindballa ere gustokoa izan da. Bideojokoen gunea mutilek gehiena erabiltzen dute neskek baino, futbola edo kotxeen karrerak nahiago dituzte. Nesken ordea, Tuenti eta Facebooken konektatzen dira, eta era berean yoga egiten hasi dira Wii Fit cunean.

Barakaldon Internet filosofiaren ahotsa iritsa da, izan ere bere biztanlegoaren %70ak interneteko konexioa dute, datu interesgarria honako hau Barakaldon interneteko ezezagutza desagertzen ari denaren seinale.
Xede honekin hiriak lau egun dibertigarri eta bikain pasatzeko parada eskaintzen digu, Internet eta tecnología berriei buruz gehiago ikasteko. Animatzen bazara, gaurtik 21ª arte, igandea, aukera duzu. Barakaldoko frontoian gaituzue zuen zai.
Joku pila bat daude, interneten ibiltzeko 70 ordenagailu, dinamitzaileekin ikasteko aukera, hitzaldiak interneteri buruz… Ez galdu!! Ongi Etorri Internet Eskolara!

Internet Eskola Barakaldon
Ikasi eta ondo pasa Teknologia Berriekin

• Azaroaren 18tik 22ra bitartean Barakaldes pilotalekuan egingo den ekimena Eusko Jaurlaritzak, Internet&Euskadi elkarteak, SPRIk,Barakaldoko Udalak, Bizkaiko Foru Aldundiak eta KZguneak bultzatu dute, Euskaltelekin batera
• Teknologia Berriak eta desgaitasuna, segurtasuna Interneten, gizarte-sareak edota Open Data eta Irekia programak izango dituzte hizpide hitzaldietan, eta libre nabigatzeko eta jolasteko aukera ere izango da
• Lehen Hezkuntzako hirugarren zikloko ikasgelak digitalizatzea xede duen Eusko Jaurlaritzaren Eskola 2.0 programak ere izango du tartea Barakaldes pilotalekuan

Barakaldo, 2010eko azaroaren 11a

Azaroaren 18tik 21era bitartean, ostegunetik igandera, egingo da Barakaldon Internet Eskola izeneko ekimenaren aurtengo ekitaldia. Internet biztanle guztiei hurbiltzea helburu duen ekimena duela urte batzuk jarri zen abian, eta hainbat herritan izan ondoren aurten Bizkaiko udalerriak hartuko du.

Lau egunez Teknologia Berriak izango dira jaun eta jabe Barakaldes pilotalekuan. Jolasen eta prestakuntza-saioen bidez, bisitariek Internetek eskaintzen dituen zerbitzuak erabili ahal izango dituzte eta prestakuntza jasoko dute hainbat gairen inguruan. Ildo horretan, aukera izango dute sareko segurtasunari buruzko zalantzak argitzeko, gizarte-sareek gaur egun duten eraginaren inguruan sakontzeko, eta Teknologia Berriak desgaitasunetara egokitze aldera eman diren pausoak ezagutzeko. Gainera, Eusko Jaurlaritzaren Open Data eta Irekia programak ere izango dira hizpide, “Gobernu irekiaren eredua Euskadin” izenburupean.

Eusko Jaurlaritza, Internet&Euskadi elkartea, SPRI eta KZgunea izan dira Internet Eskola ekitaldiaren antolatzaileak, Barakaldoko Udalarekin, Bizkaiko Foru Aldundiarekin eta Euskaltelekin batera. Eten digitala txikiagotzea eta Internet jende guztiari helaraztea da ekimenaren xedea, hau da, helduei zein haurrei, eta batez ere Teknologia Berriak eskura ez dituztenei teknologia hori erabiltzeko aukera eskaintzea.

Internetera konektatutako 70 ordenagailu jarriko dira pilotalekuan, libre nabigatzeko moduan, eta gainera, askotariko biztanle-sektoreentzat interesgarriak izan daitezkeen hainbat Web orriren helbideak eskainiko zaizkie erabiltzaileei. Begirale eta hezitzaile elebidunak arduratuko dira bertaratutakoei laguntzeaz eta haien zalantzak argitzeaz.

Ildo hezitzaile horri jarraituz, ostegunean eta ostiralean ikastetxeetako ikasleek hartuko dute parte ekimenean. Lehen Hezkuntzako hirugarren zikloko ikasgelak digitalizatzea xede duen Eusko Jaurlaritzaren  Eskola 2.0 programa ere ekitaldiko osagaietako bat izango da.

Era berean, ikus-entzule guztientzako hitzaldiak antolatu dira. Horrela, jardunaldiotako lehen egunean, hilaren 18an, ostegunez, “Kirola, desgaitasuna eta teknologia berriak” hitzaldia eskainiko dute 17:30ean. Larunbatean, berriz, 12:30ean Open Data (Eusko Jaurlaritzaren datu publikoen irekiera-ataria) eta Irekia (herritarren eta Administrazioaren arteko zuzeneko komunikazio-kanala) programak bertatik bertara ezagutzeko aukera izango da. Interneten inguruko segurtasunari buruzko zalantzak argituko dituzte bertaratutakoek egun berean 19:00etan egingo den hitzaldian. Igandean 12:30ean, berriz, gizarte-sareak izango dituzte mintzagai.

Standen eremuan honako hauek egongo dira: KZgunea, Euskaltel –desgaituei egokituriko ordenagailuak erakutsiko ditu–, Internet&Euskadi, Euskadigital eta Barakaldoko El Regato Ikastetxea. Ikastetxe horren parte hartzeak First Lego® League (FLL) ekitaldiarekin zerikusia du. Robotikako lehiaketa horrek kirol-ekitaldi baten formatua du, 9 eta 16 urte bitarteko gazteak zientziarekin eta teknologiarekin gozatzera eta hunkitzera animatzeko, berrikuntza- eta sormen-balioak sustatzeko hezkuntza-konpromisoarekin. Innobasquek antolatuko duen FLL Euskadik bere bigarren edizioa izango du datorren abenduaren 11n.  27 euskal taldek parte hartuko dute bertan, horien artean El Regato ikastetxeak. Azken horrek Internet Eskolan lehiaketarako nola prestatzen ari den azalduko du. Momentu honetan talde guztiak beren robotak programatzen eta urteko erronkarako beren proiektu zientifikoak eta teknikoak (biomedikuntzaren ingurukoak) diseinatzen ari dira.

Jolaserako tartea ere izango da Internet Eskolan lau egunotan. Horrela, hiru dimentsioko gidatze-simulagailua, bideo-jokoak, Wii Fit eta ‘Mindball’ izango dituzte eskura bertaratuko direnek. Azken  jolas horretan bi jokalariei sentsoreak jarriko dizkiete buruan, eta burmuinetik iristen diren seinaleen bidez mahai gainean dagoen pilota mugituko dute, aurkariaren eremura iritsi arte. Lasaien arituko dena izango da irabazle. Internet Eskolaren egitarauaren osagarri, pilotalekuaren kanpoaldean Segway zirkuitua jarriko dute (bi gurpildun ibilgailu elektrikoentzat).

Hurrengo Internet eskola deialdia Barakaldon izando da, azaroaren 18tik 21era.

Zuen zain egongo gara !

Ibilgailu ixil eta garbi hauek 6000 euro inguruan balio dute. Beraien benetako erabiltzaileak  zentru komertzialetako segurtasun entrepresak dira, golf zelaiak, industrialdeak edo eta lantegi handiak, publizitate banaketa, mugikortasun eskaseko pertsonak, etab. Hala era, Nahiara eta Juanmak esaten duten moduan, ez dira gure eguraldirako aproposak. Beharbada laister aterki bat jarriko diote!

Asier, 3D gidaritzako monitoreak, 3D argazkiak egiten dituen kamera xelebre bat aurkeztu digu. Egia esan, bi argazki egiten ditu non bata bestearengan jartzen diren software berezi baten bitartez. Hori bai, ongi ikusteko, betaurreko tridimensionalak beharrezkoak dira.