Parte-hartze handia lortuta amaitu da gaur Barakaldoko Internet Eskola

Notas de prensa Iruzkinak ezgaituta

Barakaldo, 2010eko azaroaren 21a. Internet Eskolak arrasto ona utzi du Barakaldon. Halako ondorioa atera daiteke, publikoak eta antolatzaileek erakutsitako gogobetetasuna ikusita. Bizkaiko hiri horretako biztanleen partehartzeari
eta inplikazioari esker, esan daiteke Eusko Jaurlaritzak, Internet&Euskadi elkarteak, Barakaldoko Udalak, SPRIk, Bizkaiko Foru Aldundiak, KZguneak eta Euskaltelek antolatutako ekimena guztiz arrakastatsua izan dela. Eta ez Barakaldoko pilotalekura inguratutako bisitari kopuruagatik bakarrik, baita jarduera guztiek lortutako harrera onagatik ere.
Ikastetxeen parte-hartzea izan da daturik aipagarrienetako bat, zalantzarik gabe. Hala, eskola-umeek -600 batek- beraientzat soilik antolatutako jardueraprograma zabala izan dute ostegunean, hilak 18, eta ostiralean, hilak 19. Taldeka sailkaturik, gune guztiak bisitatu dituzte txandaka: dibulgazio-hitzaldiak, 2.0 eskola, antzerkia, jokoak…
Publiko orokorrari dagokionez, atzo arratsaldean eta gaur, igandean, azaldu dira bisitaririk gehien. Programan zehar eskainitako lau dibulgazio-hitzaldiek oihartzun handia izan dute publikoarengan. Azpimarratzekoa da ostegunean
“Kirola, minusbaliotasuna eta teknologia berriak” gaiari buruz Euskaltelen standean emandakoa. Minusbaliatuentzat egokitutako ordenagailuak ere izan dira stand horretan.
Internet Eskolaren edizio bakoitzean parte-hartzaileen ikusmira erakartzeko jardueraren bat aurkeztu ohi da. Bada, aurtengo jardunaldietan, “Mindball” burua irakurtzeko jokoa, 3Dko gidatze-simulagailua eta Segway zirkuitua izan dira
jarduera horiek.
Ez ditugu ahaztu behar, era berean, informazio-teknologiak gure bizi-kalitatea hobetzeko tresna ezin hobeak direla frogatzeko helburua zuten guneak.
Nabigazio libreko guneak ere, 70 ordenagailu zituela, bisitari asko erakarri ditu. Azkenik, txikienek eta gazteek egungo jokorik ospetsuenez gozatzeko aukera izan dute. Hala ere, gune horrek, azkenean, laguntzaileak ere erakarri ditu
(gurasoak, aitona-amonak…) eta horiek ere parte hartu dute jarduera horietan.
Ekimen honen bidez Internet mundu guztiarengana hurbildu nahi dute antolatzaileek, batez ere hainbat arrazoi direla eta sarean sartzerik ez dutenengana. Hau da, arrail digitala txikitzea da helburua.

Barakaldoko Internet Eskolak bisitari gehien bereganatu dituen eguna izan da gaurkoa

Notas de prensa Iruzkinak ezgaituta

Barakaldoko pilotalekuan bi dibulgazio-hitzaldi izan dira: lehenengoan, Eusko Jaurlaritzaren Open Data eta Irekia programak ezagutarazi dituzte eta, bigarrenean, arratsaldean, Interneteko segurtasuna izan da hizpide.
Barakaldo, 2010eko azaroaren 20a. Internet Eskolak hirugarren eguna bete du gaur, eta ekitaldietara inguratutako bisitari kopuru handia izan da aipagarriena.
Antolatutako jarduera-programa zabalaz gozatu ahal izan dute bisitariek, eta, horri esker, teknologia berrien abantailak ezagutzeaz gain, ondo pasatzeko aukera ere izan dute.
Dibulgazio-hitzaldien zikloa publiko guztiari irekita dago. Gaurkoan, Open Data (Eusko Jaurlaritzako datu publikoak ezagutarazteko ataria) eta Irekia (herritarren eta administrazioaren arteko komunikazio-kanala) programak ezagutarazteko hitzaldiarekin hasi da, “Euskadiko gobernu irekiaren eredua” izenburupean.
Arratsaldean, berriz, Interneteko segurtasunaren gaiari heldu diote, “Protégeles” izenburuko hitzaldiarekin. Hitzaldien zikloa bihar amaituko da, gizarte-sareei buruzkoarekin.
Azkenik, azpimarratzekoa da programako hiru ekitaldik sorrarazitako ikusmira: “Mindball” burua irakurtzeko jokoak, 3Dko gidatze-simulagailuak eta Segway zirkuituak.

Internet Eskolaren lehen egunetan Barakaldoko ikastetxeak izan dira protagonista

Notas de prensa Iruzkinak ezgaituta

Zortzi ikastetxetako ikasleek Interneteko segurtasunari buruzko antzerkisketchbat ikusi, gizarte-sare eta bestelako gai interesgarriei buruzko zalantzak argitu eta 2.0 Eskolako ikasgela bat hurbiletik ezagutu ahal izan dute.
Barakaldo, 2010eko azaroaren 19a. Internet Eskolaren bigarren egunean, lehenengoan bezala, Barakaldoko ikastetxeak izan dira protagonista nagusiak.
Hala, zortzi ikastetxetako neska-mutilak inguratu dira Barakaldoko pilotalekura: Alazne, Gurutzeta, San Juan Bosco, Antonio Trueba, Juan Ramon Jimenez, La Milagrosa, Larrea eta El Pilar ikastetxeetakoak, hain zuzen. Atzoko eta gaurko jardunaldietan, guztira, 10 eta 14 urte bitarteko 600 ikaslek parte hartzea aurreikusita dago.
Ikasleak taldeka banatu eta jolasgunea txandaka bisitatu dute. Han, Wii Fit bideojokoaz eta 3Dko gidatze-simulagailuaz gozatu ahal izan dute. Interneti buruzko prestakuntza-hitzaldi batzuetara eta sareko segurtasunari buruzko ¿Quién te lo ha contado” antzerki-sketcharen emanaldira ere joan dira. Era berean, Eusko Jaurlaritzak Lehen Hezkuntzako hirugarren zikloko ikasgelak digitalizatzeko abian jarri duen programaren barruko 2.0 Eskolako ikasgela bat hurbiletik ezagutu dute. Horrela, jolasteaz gain, Interneti eta, oro har, teknologia berriei buruz ikasi eta zalantzak argitzeko aukera izan dute.

Internet Eskolako jardueren inaugurazio-ekitaldia

Notas de prensa Iruzkinak ezgaituta

Eusko Jaurlaritzak, Internet&Euskadi elkarteak, SPRIk, KZguneak, Bizkaiko Foru Aldundiak eta Euskaltelek bultzatutako ekimena Barakaldoko pilotalekuan gauzatuko da.

Barakaldo, 2010eko azaroaren 11. Internet Eskolaren inaugurazio-ekitaldia izan da gaur, Barakaldoko pilotalekuan. Honako hauek parte hartu dute ekitaldian: Elena Perez Herri Administrazioko sailburuordeak, Carlos Fernandez Barakaldoko Udaleko Kultura, Hezkuntza, Euskara eta Kirol Arloko zinegotzi ordezkariak, Joseba Etxebarria Internet&Euskadi elkarteko presidenteak, Candido Hernandez Eusko Jaurlaritzako Hezkuntza Berrikuntzako zuzendariak eta Nerea Lupardo Euskalteleko Erakunde Harremanetarako zuzendariak.
Aurtengo edizioak igandera arte (hilak 21) iraungo du, eta horretan hainbat jarduera antolatu dira Internet mundu guztiarengana hurbiltzeko, batez ere informazio- eta komunikazio-teknologietara iristeko zailtasunik gehien dituen gizarteko sektoreengana. Lau egun hauetan, nahi duten guztiek Interneten nabigatu, erabiltzailearen araberako web interesgarrietan sartu, egunerokotasun-gaiei buruzko hitzaldietara joan edo merkatuan arrakastarik handiena duten jokoez gozatu ahal izango dute. Beraz, jardueraz betetako programa da, eta guztiz doan.