Ibilgailu ixil eta garbi hauek 6000 euro inguruan balio dute. Beraien benetako erabiltzaileak zentru komertzialetako segurtasun entrepresak dira, golf zelaiak, industrialdeak edo eta lantegi handiak, publizitate banaketa, mugikortasun eskaseko pertsonak, etab. Hala era, Nahiara eta Juanmak esaten duten moduan, ez dira gure eguraldirako aproposak. Beharbada laister aterki bat jarriko diote!
Asier, 3D gidaritzako monitoreak, 3D argazkiak egiten dituen kamera xelebre bat aurkeztu digu. Egia esan, bi argazki egiten ditu non bata bestearengan jartzen diren software berezi baten bitartez. Hori bai, ongi ikusteko, betaurreko tridimensionalak beharrezkoak dira.
Gaur 12:30etan Gizarte Sareei buruzko hitzaldira hurbildu gara. Aitorrek Tuienti eta Facebookari buruz hitz egin gaitu. Sare hauek ez dira gure artean komunikatzeko eta dibertitzeko bakarrik, badituzte arrisku batzuk ere, datu pertsonalak sartzen ditugulako.
4 egun hauetan zehar zuen inkestak batzen aritu gara, beraien zenbakiak zozketarako erabili ditugunak. Eta irabazlea Oihane García izan da. Zorionak! Zure zortearekin Multimedia Disko Gogor bat lortu duzu. Seguru zoratuko zaituela!
Internet Eskolan ez ditugu teknologia berriak bakarrik… Gezurra dirudi arren, gauza batzuk ez dute Internet behar funtzionatzeko; Sun magoaren magiaren kasuan adibidez. Bere eskuek eta makilatxoak ez dute Internetera konektatu beharrik izugarrizko trikimailuak egiteko eta era guztietako publikoa erakartzeko. Usoak ere bere “klabe magikotik” bidaiatu du.
Audiomic enpresako Pablo eta Hectorri eskertu behar diegu, egun hauetan ez izatea beheraldi momentu bat ere. Beraiek arduratzen dira goiza alaitzen eta arratsaldeak girotzen primerako musika jarriz, publiko guztiei zuzendua. Bai, dantzatzeko gogoak jartzen zaizkigu!
Unai, argazkian agertzen den txikitxoa, Mindballera jokatu eta bere aurkari danak “matxakatu” ditu. Artista bat da!
Goizeko 10:00etatik 14:00 ak arte Internet Eskolako trena martxan egongo da, Udaletxeko plazatik polikiroldegiraino ibilbidea behin eta berriro eginez. Ez galdu trena eta bisitatu gaitzazu.
Irabazlea Internet munduan goiztiar hasi den neskatila bat izan da, hamabi urte baino ez ditu eta bere izena Enara Luengas da. Baina saria bere amak jaso behar izan du, Enarak oraindik ez baitaki irabazlea bera izan dela. Musika Eskolarekin asteburu pasa joan baita eta bakarrik larrialdiko deiak jaso ahal ditu. Bueltatzen zarenean sorpresa itzela edukiko duzulakoan gaude.
Ia denok ezagutzen dugu Kzgunea, dohan TIC-etan irakasten gaituen euskal zentru sarea (Komunikazio eta Informazioa Teknologiak). Urte honetan ere, Internet Eskolan berriz ere agertu nahi izan du, Irenen bitartez, non gure zalantza guztiak erantzungo dituen kurtsoei buruz, inskripzioak, IT txartela, etab.
